سڈنی : آسٹریلیا اور بھارت کے درمیان کھیلے جانے والے وارم اپ میچ میں بھارتی بیٹر سوریا کمار یادیو کی دلچسپ گفتگو ریکارڈ ہوگئی۔
ریکارڈ گفتگو سوریا کمار یادیو کے آسٹریلیا کے خلاف آخری اوور میں نصف سنچری پوری ہونے سے قبل کی ہے جس میں انھیں بیٹنگ پارٹنر اکسر پٹیل سے کہتے سنا جا سکتا ہے کہ ’یار آج مارنے کا موڈ نہیں ہو رہا‘۔
@surya_14kumar – Maarne ka mood hi nahi ho raha yaar
Got out very next ball #AUSvIND #T20WorldCup #T20WorldCup2022 pic.twitter.com/TWBM2zSAtA— Aditya Kukalyekar (@adikukalyekar) October 17, 2022
گفتگو اس وقت مزید دلچسپ ہوگئی جب سوریا کمار یادیو اگلی ہی بال پر غلط شاٹ کھیلتے ہوئے آسٹریلین بولر کو کیچ دے بیٹھے اور آؤٹ ہوگئے۔
یہ تو نہیں کہا جا سکتا کہ سوریا کمار نے ایسا کیوں کہا لیکن اس کے باوجود بھارتی بیٹر نے آج کے میچ میں بہترین بیٹنگ کا مظاہرہ کیا اور 33 گیندوں پر اپنی نصف سنچری مکمل کی۔
وارم اپ میچ میں بھارت نے دلچسپ مقابلے کے بعد آسٹریلیا کو 6 رنز سے شکست دی۔
