برسبن: قومی کرکٹر شاداب خان کا کہنا ہے کہ ٹی 20 ورلڈ کپ میں ہر نمبر پر بیٹنگ کرنے کیلئے تیار ہوں ، پریشرمیچ ہے  غلطیاں کم سے کم کرنی ہیں۔

نجی ٹی وی کے مطابق پاکستان کرکٹ ٹیم کے نائب کپتان شاداب خان کا کہنا تھاکہ ٹی ٹوئنٹی میں ہر نمبر پر بیٹنگ کے لیے تیار رہنا چاہیے، بطور آل راؤنڈر کھیل کے تینوں شعبوں کو انجوائے کرتے ہیں، جہاں ٹیم کو ضرورت ہوتی ہے وہاں کھیلتے ہیں۔

رپورٹ کے مطابق شاداب خان نے مزید کہا کہ ہم اچھی ٹیم ہیں لیکن چیمپئن بننے کے لیے پریشر صورتحال میں غلطیوں پر قابو پانا ہوگا، مجھ سے ایشیا کپ فائنل میں کیچ ڈراپ ہوئے تھے , اسی طرح  گزشتہ ورلڈ کپ کے سیمی فائنل میں آسٹریلیا کے خلاف غلطیاں ہوئی تھیں جو نہیں ہونی چاہیے ۔

شاداب نے مزید کہا کہامید ہے بھارت کے خلاف جیسا حالیہ دنوں میں کھیلتے آرہے ویسا ہی کھیلیں گے، ورلڈکپ کا پہلا میچ ٹورنامنٹ میں ٹون سیٹ کرتا ہے، بھارت کے خلاف میچ میں ہمیشہ پریشر میچ ہوتا ہے جب کہ ہار جیت کھیل کا حصہ ہے، ہم بھارت کے خلاف میچز جیتنے لگے ہیں لہٰذا امید ہے بھارت کے خلاف جیسا حالیہ دنوں میں کھیلتے آرہے ویسا ہی کھیلیں گے۔

انہوں نے کہا  کہ بڑا میچ جیت کر ٹیم کو اعتماد ملتا ہے، بھارت کے خلاف پہلے میچ کے لیے ہر کوئی پرجوش ہے، ٹیم نے حالیہ دنوں میں اچھی کرکٹ کھیلی جس سے مورال بلند ہے، میچ میں اپنی صلاحیتوں کا 100 فیصد کرتے ہیں تاکہ نیند آسکے، جب آپ بطور ٹیم اچھا کھیل رہے ہوتے ہیں تو مورال بلند ہوتا ہے۔