لاہور : قومی کرکٹ ٹیم کے آل راؤنڈر عماد وسیم کا کہنا ہے کہ بابر اعظم کی بس شکل ہی معصوم ہے۔
نجی ٹی وی کے مطابق کرکٹ پروگرام میں شرکت کے دوران عماد وسیم نے کہا کہ میرے ساتھ سلیکشن معاملے میں زیادتی کی گئی ہے، ان کا مزید کہنا تھا کہ قومی کرکٹ ٹیم کے کپتان بابر اعظم صرف شکل سے ہی معصوم ہیں، آل راؤنڈر نے اپنی شریک حیات کے بارے میں بتایا کہ وہ مجھ پر شک نہیں کرتی ۔
پروگرام میں قومی ٹیم کے سابق وکٹ کیپر بیٹر معین خان کے علاوہ عاقب جاوید بھی شریک ہوئے مہمان معین خان کا کہنا تھا کہ اگر میں چیف سلیکٹر ہوتا تو عماد وسیم کو ٹیم میں ضرور سلیکٹ کرتا۔
