میلبرن میں پاکستان اور بھارت کے ٹی 20 مقابلے کو دیکھنے ایک پاکستانی بیوی اور ان کے بھارتی شوہر بھی میلبرن میں موجود ہیں۔
میلبرن کرکٹ گراؤنڈ کے باہر سماء کے نمائندے قادر خواجہ کی ایک ایسی پاکستانی خاتون سے ملاقات ہوئی جو خود تو اپنے آبائی ملک کی حمایت کررہی ہیں لیکن ان کے بھارتی شوہر روایتی حریف کے ساتھ ہیں۔
ٹی 20 ورلڈ کپ: پاک بھارت میچ کا سب کو بے صبری سے انتظارhttps://t.co/0spigzV9FT#SamaaTV #Melbourne #PakvsIndia #BabarAzam𓃵 @iamqadirkhawaja pic.twitter.com/GCtxW4kTNi
— SAMAA TV (@SAMAATV) October 23, 2022
خاتون کا کہنا ہے کہ پاک بھارت میچ کے دوران گھر میں بھی روایتی حریف جیسا ماحول ہوتا ہے لیکن جب میچ ختم ہوجاتا ہے تو سب کچھ معمول کے مطابق ہوجاتا ہے۔
بھارت کی ہار پر شوہر کے تاثرات کے حوالے سے پاکستانی خاتون نے کہا کہ اگر بھارت ہار جائے تو کھانا تو وہ معمول کے مطابق کھاتے ہیں کیوںکہ انہیں میرے ہاتھ کھانا ہی پسند ہے لیکن ہم تھوڑی دیر کے لئے الگ ہوجاتے ہیں۔
پاکستان سے ہار پر بھارتی شوہر کا کہنا تھا کہ ہماری شادی کو زیادہ وقت نہیں ہوا۔ میں اپنی ٹیم کی ہار کو قبول کرتا ہوں اور یہ کہتا ہوں کہ آئندہ ہم زیادہ اچھا کھیل پیش کریں گے۔
بھارتی شوہر نے ازراہ تفنن کہا کہ پاکستان کو ہارنے کی عادت ہے اور ہمیں ابھی اس کی عادت نہیں ہوئی۔ ہم صرف 2 دفعہ ہی ہارے ہیں 9 دفعہ نہیں۔
