بھارت کے سابق ٹیسٹ کرکٹر  وسیم جعفر نے بنگلادیش اور  زمبابوے کے درمیان آخری گیند پر ہونے والی ڈرامائی صورتحال پر دلچسپ تبصرہ کیا ہے۔

آئی سی سی ٹی ٹوئنٹی ورلڈ کپ میں بنگلادیش اور زمبابوے کے میچ میں بنگال ٹائیگرز کو 3 رنز سے فتح حاصل ہوئی، آخری گیند پر زمبابوے کو  5 رنز درکار تھے لیکن ڈاٹ بال کے باعث ٹیم کو کوئی رن نہیں ملا اورکھلاڑی پویلین کی جانب بڑھ گئے۔

تاہم امپائر نے نو بال کا اشارہ کیا اور تمام کھلاڑی واپس گراؤنڈ میں آگئے، جب کہ اب آخری گیند پر 4 رنز درکار تھے جو نہیں بن سکے اور یوں بنگلادیش کو اس مقابلے میں فتح حاصل ہوئی۔

اس حوالے سے وسیم جعفر نے ٹوئٹر پر تبصرہ کیا کہ ‘میرے خیال میں آئی سی سی ایونٹ سے پہلے اور بعد میں برصغیر میں دل کے مریضوں کی تعداد کے حوالے سے مطالعہ ہونا چاہیے’۔

I think there should be a study about number of heart patients before and after an ICC event especially in the subcontinent 😅 Last ball thrillers making the tournament exciting though 🔥 #BANvZIM #T20WorldCup

— Wasim Jaffer (@WasimJaffer14) October 30, 2022

انہوں نے کہا کہ ‘آخری گیند تک آنے والے سنسنی خیز مقابلے ٹورنامنٹ کو دلچسپ بنا رہے ہیں’۔

خیال رہے کہ اس سے قبل ٹورنامنٹ میں کئی میچز ایسے تھے جس کا فیصلہ آخری گیند پر ہوا، ان میں پاکستان اور بھارت سمیت پاکستان اور زمبابوے کامیچ شامل ہے۔