پاکستان شوبز انڈسٹری سے وابستہ گلوکار، اداکار فرحان سعید جو اب اپنی فلم ٹچ بٹن سے پروڈکشن کے میدان میں قدم رکھ رہے ہیں، فلم کی تشہیری مہم کے دوران منفرد انداز میں اداکار ہمایوں سعید کو فلم دیکھنے کی دعوت دے دی۔
مائیکروبلاگنگ پلیٹ فارم ٹوئٹر پرفرحان سعید نے ہمایوں سعید کو ٹیگ کرکے ٹوئٹ کرتے ہوئے کہا کہ ’چاہے ادِھر جائیں یا اُدھر جائیں، ٹچ بٹن دیکھنے ضرور آئیں، آپ ہماری انسپرئیشن ہیں‘۔
@iamhumayunsaeed chahe ider jayein ya uder jayein, #TichButton dekhne zaroor ayein , app hamari inspiration hain ❤️
Releases 25-11-22 https://t.co/nGlf9M2DZE— Farhan Saeed (@farhan_saeed) November 15, 2022
ہمایوں سعید نے بھی جواباً فرحان سعید کی آنے والی فلم کا ایک ڈائیلاگ ’سنا ہے جب پیار ہوتا ہے تو بندہ آپے سے باہر ہوتا ہے‘ دہراتے ہوئے دعوت قبول کی اور فلم کے لیے نیک تمناؤں کا اظہار بھی کیا۔
Suna hai jab pyar hota hai, banda apay se bahar hota hai! Bhai Tich button bhi dekhne zarur jaonga… Tich Button releasing on Nov 25th. All the best Farhan, Urwa and Qasim @farhan_saeed @VJURWA @Qasimalimureed #TichButton https://t.co/LcRAfMMm0s pic.twitter.com/wXz15rKe5R
— Humayun Saeed (@iamhumayunsaeed) November 16, 2022
واضح رہے کہ اس سے قبل فلم ’ضرار‘ کی تشہیری مہم کے دوران اداکار شان شاہد نےپاکستان فلم انڈستری کی ایک جیسی کہانیوں کو تنقید کا نشانہ بنایا تھا۔
بعدازاں ہمایوں سعید نے شان شاہد کو مخاطب کرتے ہوئے ٹوئٹ کیا تھا کہ اِدھر بھی جاؤں گا اور اُدھر بھی جاؤں گا اور ’ضرار‘ دیکھنے بھی جاؤں گا ساتھ ہی فلم کے لیے نیک خواہشات کا اظہار بھی کیا۔
خیال رہے کہ فلم ضرار اور ٹچ بٹن دونوں آئندہ جمعے (25 نومبر) کو ریلیز ہو رہی ہیں۔
اب دیکھنا یہ ہے کہ بیک وقت ریلیز ہونے والی فلموں میں سے ہمایوں سعید کس فلم کو ترجیح دیتے ہیں اور پہلے دیکھنے جاتے ہیں۔
