اسلام آباد:مسلم لیگ (ن) کے رہنما سینیٹر پرویز رشید نے کہا ہے کہ چودھری مونس الہی صاحب کے انکشاف سے تو یہی ثابت ہوتا ہے کہ پولیٹکل انجینئر نگ کے سب سے بڑے بنیفیشری تو عمران خان ہی ہیں ۔

چودھری مونس الہی صاحب کے انکشاف سے تو یہی ثابت ہوتا ہے کہ پولیٹکل انجینرنگ کے سب سے بڑے بنیفیشری تو عمران خانصاحب ہی ہیں ۔

— Pervaiz Rashid (@SenPervaizRd) December 2, 2022

خیال رہے ایک انٹرویو میں مونس الہٰی نے انکشاف کیا کہ جنرل باجوہ نے پی ٹی آئی کو سپورٹ کیا بلکہ جنرل باجوہ نے تو تحریک عدم اعتماد کے وقت بھی انہیں یعنی مونس الہٰی سے کہا کہ وہ عمران خان کے ساتھ جائیں۔
انہوں نے کہا کہ اگر جنرل باجوہ عدم اعتماد کا حصہ ہوتے تو ہمیں کیوں اس طرف جانے کا کہتے، جنرل باجوہ نے پی ٹی آئی کے لیے سب کچھ کیا اور اب جب وہ چلے گئے ہیں تو پی ٹی آئی والے ان کے خلاف باتیں کررہے ہیں۔
ان کا مزید کہنا تھا کہ پی ٹی آئی والے اب جنرل باجوہ کے خلاف ٹرینڈ چلا رہے ہیں ، یہ اچھی بات نہیں ہے، جنرل باجوہ نے تو دریاؤں کا رُخ موڑ دیا تھا۔
مونس الہٰی نے کہا کہ عدالتیں غیر جانبدار ہیں، پنجاب حکومت کے معاملات میں بھی اسٹیبلشمنٹ کوئی مداخلت نہیں کررہی، نہ ہی عمران خان پر حملے کی ایف آئی آر میں اسٹیبلشمنٹ کا کوئی کردار ہے۔ اس وقت اسٹیبلشمنٹ غیرسیاسی ہے۔
مونس الہٰی کے مطابق ہم نے پی ٹی آئی سے یہ تک کہا کہ ایف آئی آر کاٹنے کے لیے کوئی بھی اپنا پولیس والا دے دیں جو ایف آئی آر کاٹ لے تو انہوں نے ایسا پولیس والا دیا ہی نہیں۔