اسلام آباد (ممتاز نیوز) نائب امیر جماعت اسلامی پاکستان و سابق ممبر قومی اسمبلی میاں محمد اسلم نے کہا جماعت اسلامی کے اُمیدوار منتخب ہو کر عوامی مسائل کو تر جیحی بنیادوں پر حل کر یں گے ،جماعت اسلامی کی قیادت عوام کے درمیان رہتی ہے اور عوامی مسائل اور مشکلات سے پوری طر ح آگاہ ہے ۔جماعت اسلامی کو جب بھی مو قع ملا ہے عوام کے مسائل حل کر نے میں کوئی کسر نہیں چھوڑی ہے،عوام کے مسائل کا حل بلدیاتی انتخابا ت کے انعقاد میں ہی ممکن ہے اورایک شفاف اور غیر جانبدار انتخابی نظام سے ہی دیانتدار اور ملک و قوم کی خیر خواہ قیادت سامنے آسکتی ہے ۔ان خیالات کا اظہار انھوں نے یونین کو نسل 73آئی ٹین ٹومیں منعقدہ کار نر میٹنگ سے خطاب کر تے ہو ئے کیا ، اس موقع پر اُمیدوار برائے چیئر مین ساجد ترابی اور اُمیدوار وائس چیئر مین نو رالبشر نے بھی خطاب کیا ۔
میاں محمد اسلم نے کہا اسلامی و خوشحال پاکستان کا ایجنڈا عام آدمی کا ایجنڈا ہے ،ملک کو بحرانوں سے نکالنے کیلئے عوام کو اس ایجنڈے کا ساتھ دینا چاہئے ، جماعت اسلامی عوام کی خدمت پر یقین رکھتی ہے اور عوامی مسائل کے حل کے لیے مسلسل جدو جہد کر رہی ہے ، انھوں نے کہا جماعت اسلامی کی منتخب قیادت نے خدمت اور دیانت کے ساتھ کام کر تے ہوئے اپنی اہلیت ثابت کی ہے ملک جن مسائل سے دو چار ہے دیانت دار قیادت ہیملک اور قوم کو ان مسائل اور مشکلات سے نجات دلا سکتی ہے ۔