معروف یوٹیوبر سعد الرحمٰن المعروف ڈکی بھائی کی ٹوئٹ پر  وکٹ کیپر بیٹر سرفراز احمد کی اہلیہ نے جواب دیا ہے۔

پاکستان اور انگلینڈ کے درمیان ٹیسٹ سیریز کے اختتام پر سرفراز احمد نے  بیٹر بین ڈکٹ کی بیٹنگ کی تعریف کی اور  کہا ‘ڈکی بھائی آپ نے شاندار کھیل پیش کیا’۔

سرفراز کی ٹوئٹ کو ری ٹوئٹ کرتے ہوئے یوٹیوبر نے لکھا ‘شکریہ میرے مداح، آپ جو کوئی بھی ہیں’۔

Well played ducky bhai @BenDuckett1 😍🙌 https://t.co/1UNd235YsV

— Sarfaraz Ahmed (@SarfarazA_54) December 20, 2022

سعد الرحمٰن کی اس ٹوئٹ پر صارفین نے انہیں خوب تنقید کا نشانہ بنایا تھا اور اب سرفراز کی اہلیہ خوش بخت بھی میدان میں آگئیں۔

انہوں نے یوٹیوبر کی ٹوئٹ پر جواب دیا کہ میں اس قسم کے سستی شہرت والے بلاگرز سے تھک چکی ہوں، ان کی یہ ٹوئٹ بیوقوفانہ حرکت تھی، انہیں شرم آنی چاہیے۔

So done with these cheap bloggers! So stupid..
SHAME ON YOU https://t.co/EEFIVl1dax

— Khushbakht Sarfaraz Ahmed (@sarfarazkhush) December 26, 2022

واضح رہے کہ سرفراز احمد ہوم گراؤنڈ پر پہلا ٹیسٹ نیوزی لینڈ کے خلاف کھیل رہے ہیں جو کہ کراچی کے نیشنل بینک ارینا اسٹیڈیم میں جاری ہے۔