اسلام آباد(مانیٹرنگ ڈیسک) سابق چیئرمین سینیٹ میاں رضا ربانی نے کہا ہے کہ آج تک پاکستانی آئین کی اس طرح دھجیاں نہیں اڑائی گئیں۔ اپنے ایک بیان میں انہوں نے کہا کہ ڈپٹی سپیکر کا اقدام آئین و قانون کی سراسر خلاف ورزی تھی۔ان کا کہنا تھا کہ آرٹیکل 58 کے تحت وزیراعظم اس اقدام کی ایڈوائس نہیں بھیج سکتا، صدر فیڈریشن کی علامت ہوتا ہے لیکن انہوں نے غیر آئینی اقدام اٹھایا۔ انہوں نے کہا کہ صدر پہلے بھی غیر آئینی اقدامات کرتے رہے، ایوان صدر کو آرڈیننس فیکٹری بنا دیا گیا ہے۔