ممبئی (نیوز ڈیسک )کچھ عرصے سے بالی ووڈ کی دلکش جوڑی عالیہ بھٹ اور رنبیر کپور کی شادی کی خبریں گردش کر رہی ہیں ،اس حوالے سے تازہ ترین خبر یہ ہے کہ ان کی شادی کی تاریخ کا اعلان کردیا گیا ہے۔
بھارتی میڈیا رپورٹس کے مطابق عالیہ اور رنبیر کی شادی اپریل کے وسط میں ممبئی میں ہو گی جبکہ شادی کی تقریب نجی ہوگی ، جس میں صرف ان کے قریبی دوستوں اور خاندان کے افراد شرکت کریں گے۔
یاد رہےکہ گزشتہ دنوں بھارتی میڈیا نے رنبیر کپور اورعالیہ بھٹ کی شادی کی ایک تصویر شیئر کرتے ہوئے دعویٰ کیا تھا کہ یہ جوڑی رشتہ ازدواج میں منسلک ہو گئی ہے۔
واضح رہےکہ رنبیر کپور اور عالیہ بھٹ بالی ووڈ کی مشہور فلمی جوڑی ہے، دونوں اسٹارز اکثر اپنی دوستی اور تعلق کی وجہ سے خبروں کی زینت بنتے رہتے ہیں۔
آج کل ہر کوئی ان دونوں کی شادی کی تاریخ اور مقام کا ذکر کر رہا ہے۔
