شاسلام آباد(ممتاز نیوز )وزیراعظم شہباز شریف نےکہاکہ میں کل کراچی میں چین کی شراکت سے تعمیر شدہ K3 نیوکلیئر پاور پلانٹ کا افتتاح کرنے جا رہا ہوں،اس منصوبے سے کراچی میں نیوکلئیر پاور پلانٹ سے بجلی کی مجموعی پیدوار 2200 میگاواٹ ہو جائے گی،چین پاکستان کا دیرینہ دوست ہے جس نے پاکستان کی ہر اچھے برے حالات میں مدد کی،
وہ بدھ کو چائنہ نیشنل نیوکلئیر کارپوریشن کے وفد سے گفتگو کررہے تھے ،وزیراعظم نے کہاکہ پاکستان اور چین کی اسٹریٹیجک شراکت داری مثالی ہے اور پاکستان اسے مزید مضبوط کرنے کا خواہاں ہے،چین پاکستان اقتصادی راہداری کے تحت اربوں ڈالر کی سرمایہ کاری، چینی حکومت اور عوام کی پاکستان سے محبت کا منہ بولتا ثبوت ہے،سی پیک کے تحت چین نے پاکستان میں بجلی کیے شارٹ فال کو قابو کرنے میں کلیدی کردار ادا کیا جس پر مجھ سمیت پوری قوم چین کی حکومت اور عوام کی شکر گزار ہے۔
ملاقات میں وائس چیئرمین چائنہ اٹامک انرجی اتھارٹی (CAEA) لیو جنگ (Liu Jing)، پاکستان میں چینی سفارتخانے کی ناظم المور پانگ چُن-شوئی (Pang Chunxue) متعلقہ اعلی سطحی چینی حکام کی شرکت. اسکے علاوہ وفاقی وزراء اسحاق ڈار، احسن اقبال، انجینئیر خرم دستگیر، معاونینِ خصوصی طارق فاطمی، طارق باجوہ اور متعلقہ حکام نے بھی اجلاس میں شرکت کی.

ملاقات میں وزیرِ اعظم کو چین کی پاکستان میں نیوکلئیر انرجی کے منصوبوں میں سرمایہ کاری پر بریفنگ. وفد نے وزیرِ اعظم کی K3 کی تکمیل کیلئے ذاتی دلچسپی اور کوششوں پر انہیں خراجِ تحسین پیش کیا.