اسلام آباد(مانیٹرنگ ڈیسک) وزیراطلاعات سندھ سعید غنی نے سابق قومی کرکٹر محمد حفیظ کو سیاسی صورتحال پر تبصرہ کرنے پر کھری کھری سُنا دیں، کہتے ہیں کہ کرکٹ کھیلو، ملک سے مت کھیلو۔
تفصیلات کے مطابق گزشتہ روز محمد حفیظ نے قومی اسمبلی میں تحریکِ عدم اعتماد کے مسترد ہونے پر وزیراعظم عمران خان کی حمایت میں ٹوئٹ کرتے ہوئَے خوشی کا اظہار کیا تھا ۔
محمد حفیظ نےاپنی ٹوئٹ میں کہا کہ عمران خان ہمیشہ سے ایک حقیقی لیجنڈ ہیں۔
Pakistan 🇵🇰 Zindabad. U r true Legend always @ImranKhanPTI #surprise
— Mohammad Hafeez (@MHafeez22) April 3, 2022
محمد حفیظ کے ٹوئٹ پر سعید غنی نے ردعمل دیتے ہوئے کہا کہ کرکٹ کھیلو ملک سے مت کھیلو۔
کرکٹ کھیلو، ملک سے مت کھیلو https://t.co/sMrTUNZSGz
— Senator Saeed Ghani (@SaeedGhani1) April 3, 2022
یادرہے کہ اس سے قبل ن لیگی ایم پی اے حنا پرویز بٹ بھی محمد حفیظ کے وزیراعظم عمران خان کے حق میں ٹویٹس پر شدید ردعمل کا اظہار کرچکی ہیں۔
کچھ روز قبل حنا پرویز بٹ نے سیاست ڈاٹ پی کے ہی کی خبر پر ردعمل دیتے ہوئے اس کو ری ٹوئٹ کیا اور حفیظ سے کہا کہ “منہ بند رکھیں اور چپ چاپ کرکٹ کھیلیں۔ ایک نااہل کو سپورٹ کرنے کی بالکل ضرورت نہیں۔سیاست سے آپ کا کوئی لینا دینا نہیں”
منہ بند رکھیں اور چپ چاپ کرکٹ کھیلیں۔۔ایک نااہل کو سپورٹ کرنے کی بالکل ضرورت نہیں۔۔سیاست سے آپکا کوئی لینا دینا نہیں https://t.co/UOktaZiIWq
— Hina Parvez Butt (@hinaparvezbutt) April 3, 2022
واضح رہے کہ گزشتہ روز قومی اسمبلی کے اہم اجلاس کی صدارت کرتے ہوئے ڈپٹی اسپیکر قاسم سوری نے وزیرِ اعظم عمران خان کے خلاف اپوزیشن کی تحریکِ عدم اعتماد کی قرار داد مسترد کر دی۔
بعد ازاں وزیراعظم عمران خان کی تجویز پر صدر مملکت ڈاکٹر عارف علوی نے قومی اسمبلی تحلیل کر دی تھی جبکہ عمران خان نے پارٹی ارکان کے اعزاز میں دیئے گئے عشائیے میں کہا تھا کہ اپوزیشن کو ابھی تک سمجھ ہی نہیں آ رہی کہ ان کے ساتھ کیا ہوا ہے۔
