پشاور: تحریک انصاف نے خیبرپختونخوا اسمبلی انتخابات کے لیے تیار شروع کردی۔پارلیمانی بورڈ نے امیدواروں کی ابتدائی فہرست چیئرمین پی ٹی آئی عمران خان کے حوالے کردی۔ چیئرمین پی ٹی آئی نے امیدواروں کے ناموں پر مزید غور کرنے اور انتخابی مہم شروع کرنے کی ہدایت کردی۔
تحریک انصاف خیبرپختونخوا کے پارلیمانی بورڈ کا اجلاس زمان پارک لاہور میں چیئرمین عمران خان کی صدارت میں ہوا جس میں ہر حلقے سے تین تین امیدواروں کی فہرست اجلاس میں پیش کی گئی۔
تفیصلی بحث کے بعد عمران خان نے پارلیمانی بورڈ کو امیدواروں کے ناموں پر مزید غور کرنے کی ہدایت کی گئی ہے۔ امیدواروں کا حتمی فیصلہ عمران خان کریں گے۔
ذرائع نے بتایا ہے کہ اجلاس میں خیبرپختونخوا اسمبلی انتخابات کے لیے انتخابی مہم شروع کرنے کی ہدایت کی گئی ہے خیبرپختونخوا کی پارٹی قیادت کو ہدایت کی گئی ہے کہ وہ انتخابی حکمت عملی جلد ترتیب دیں اور عوام سے مسلسل رابطے میں رہیں۔