کراچی(نیوز ڈیسک )اداکارہ، میزبان اور مصنفہ میرا سیٹھی نے امریکا پر پاکستان کو ترجیح دینے کی وجہ بتادی۔
گلوکار علی سیٹھی کی بہن اور نجم سیٹھی کی صاحبزادی میرا سیٹھی نے امریکہ میں تعلیم حاصل کی اور وہیں کام بھی کیا۔
پاکستان واپس آنے کے بعد یہاں انہوں نے شوبز انڈسٹری میں انٹری دی، محبت صبح کا ستارہ ہے، پریت نہ کریو کوئی، چپکے چپکے،یہ دل میرا جیسے مقبول ڈراموں میں اداکاری کے جوہر دکھائے۔
میرا سیٹھی شادی کے بعد شوہر کے ساتھ سان فرانسسکو چلی گئی تھیں لیکن اب وہ واپس کراچی آگئی ہیں اور انہیں ڈرامے ’پرستان‘ میں زبیدہ کا کردار ادا کررہی ہیں۔
میرا سیٹھی نے ویب شو ’وائس اوور مین‘ میں انکشاف کیا کہ وہ اپنے شوہر بلال کے ساتھ پاکستان واپس منتقل ہوگئی ہیں۔
انہوں نے وطن واپس آنے کی وجہ بتاتی کہ ان کا دل یہاں کراچی میں لگتا ہے اور وہ وہاں گھر گھر جیسا محسوس نہیں کرتی ہیں۔
میرا سیٹھی نے کہا کہ لہٰذا پاکستان کی محبت مجھے ایک نہیں بلکہ دو بار وطن واپس کھینچ لائی۔
