اسلام آباد(مانیٹرنگ ڈیسک)ترجمان جی ڈی اے سائرہ بانوقومی اسمبلی اجلاس میں بجٹ پر بحث کرتے ہوئے جذباتی ہو گئیں ۔

نجی ٹی وی کے مطابق قومی اسمبلی میں اظہار کرتے ہوئے ترجمان جی ڈی اے سائرہ بانو نے کہاکہ عوام کو سادگی کا درس دیا جا رہا ہے،اپنے لئے بھی مشکل فیصلے کریں، عوام کو امتحان میں کیوں ڈالتے ہیں،15 یا 25 ہزار تو چھوڑیں،ا ب50 ہزار تنخواہ والے کا بجٹ بنا کر دکھائیں ۔

سائرہ بانو نے کہاکہ غریب کی آواز بند کردی گئی، لوگوں کو آنکھوں سے آنسو نکل رہے ہیں،مارکیٹ جا کر لوگوں کا رونا دیکھیں، بلاول بھٹو اور ایم کیو ایم اب مہنگائی مارچ سندھ سے شروع کریں ،آپ کا ساتھ دیں گے،ان کاکہناتھا کہ غریب کی بات کرتے ہیں تو یہاں کہا جاتا ہے غریب پیدا کیوں ہوا،وزیر خزانہ اسحاق دار تقریر کرکے چلے گئے ،حالات اس نہج تک نہ پہنچائیں کہ ہم اپنے بڑوں کی آزادی کو نقصان پہنچائیں، کیا ہم صرف گوشت کھانے کیلئے پیدا ہوئے ہیں، ٹیکس پر ٹیکس لگا رہے ہیں،غریب کو مار دیں کیونکہ اسے کوئی نہیں پوچھتا۔