نیو یارک (مانیٹرنگ ڈیسک )اقوام متحدہ کی جنرل اسمبلی نے روس کی انسانی حقوق کونسل کی رکنیت ختم کردی۔ میڈیارپورٹ کے مطابق جنرل اسمبلی کے 193 میں سے 93 ممالک نے تجویز کے حق میں ووٹ دیئے جب کہ جنرل اسمبلی کے 24 رکن ممالک نے امریکی تجویز کے خلاف ووٹ دیئے۔ پاکستان سمیت 58 ممالک ووٹنگ سے غیر حاضر رہے۔ ادھر روس نے اقوام متحدہ کی انسانی حقوق کونسل کی رکنیت ختم ہونے پر افسوس کا اظہار کیا ہے۔ ماسکو سے ترجمان کریملن نے کہا کہ اقوام متحدہ کی جنرل اسمبلی کے فیصلے پر افسوس ہے۔ ترجمان کریملن نے مزید کہا کہ روس ہر ممکن قانونی ذرائع سے مفادات کا دفاع کرے گا۔