کراچی (مانیٹرنگ ڈیسک )انٹر بینک مارکیٹ میں جاری ڈالر کی پروازاب تھمنے لگی ہے ، پانچ ہفتے مسلسل اضافے کے بعد آج ڈالر کی قیمت میں کمی ہوئی ہے ۔

تفصیلات کے مطابق انٹر بینک مارکیٹ میں ڈالر کی قیمت میں 48 پیسے کمی ہوئی ہے جس کے بعد ڈالر 187.70 روپے پر ٹریڈ کر رہاہے ۔ جبکہ دوسر ی جانب سٹاک مارکیٹ میں کاروبار کے آغاز کے کچھ دیر بعد ہی بھاری اضافہ دیکھنے میں آیاہے ، شیئرز کا لین دین شروع ہو تو 100 انڈیکس 43 ہزار 786 پوائنٹس پر تھا جس میں کچھ دیر میں بہتر ی آنا شروع ہو گئی اور اب تک انڈیکس میں 457 پوائنٹس کا اضافہ ہو چکاہے جس کے بعد مارکیٹ 44 ہزار 244 پوائنٹس پر پہنچ گئی ہے ۔