اسلام آباد(مانیٹرنگ ڈیسک )عدم اعتماد پر ووٹنگ میں تاخیر، اپوزیشن نے سپریم کورٹ میں توہین عدالت کی درخواست دائر کرنے کی تیاری شروع کردی ہے۔ ذرائع کے مطابق توہین عدالت کی درخواست کی تیاری کی ذمہ داری زاہد حامد کو سونپ دی گئی ہے۔ خیال رہے کہ سپریم کورٹ کے 5 رکنی لارجر بینچ نے 7 اپریل کو حکم دیا تھا کہ 9 اپریل کو قومی اسمبلی کا اجلاس بلایا جائے اور تحریک عدم اعتماد پر ووٹنگ کرائی جائے اور نئے وزیراعظم کے انتخاب سے قبل اجلاس ملتوی نہ کیا جائے۔ تاہم اسپیکر قومی اسمبلی نے تحریک عدم اعتماد پر ووٹنگ کرانے سے انکار کردیا ہے۔ اپوزیشن ذرائع نے الزام عائد کیا ہے کہ اسد قیصر کا کہنا ہے کہ عمران خان سے 30 سالہ تعلق ہے جو ختم نہیں کرسکتا۔نجی ٹی وی کے مطابق سپیکر نے کہا کہ توہین عدالت لگے یا نا اہل قرار دیا جائوں، نتائج بھگتنے کیلئے تیار ہوں، مجھے جو بھی سزا ملے تیار ہوں مگر عمران سے بے وفائی نہیں کرسکتا دوسری جانب وزیراعظم عمران خان نے بھی وفاقی کابینہ کا اجلاس رات 9 بجے طلب کرلیا ہے جس میں اہم فیصلے متوقع ہیں۔