ممبئی: بالی ووڈ کی مشہور فرنچائز ہیرا پھیری کے شائقین نےنئی فلم کے ہدایتکار کو تبدیل کرنے کا مطالبہ کر دیا۔
فلم ہیرا پھیری 3 کا سالوں سے بےصبری سے انتظار کرنے والے شائقین نے فرحاد شمسی کو تبدیل کر کے ان کی جگہ کسی اور ہدایتکار سے فلم کی عکسبندی کروانے کا مطالبہ کر دیا ہے۔
شائقین نے سوشل میڈیا پر ہیرا پھیری 3 اسٹار اکشے کمار کو ایک آن لائن خط لکھا ہے جس میں درخواست کی گئی ہے کہ ہیرا پھیری 3 فرحاد شمسی کے بجائے کسی اچھے ہدایتکار سے کروائی جائے کیونکہ فرحاد فلموں میں واٹس ایپ جیسے لطیفے شامل کرتے ہیں جس پر بلکل ہنسی نہیں آتی۔
Witnessing a rare outburst of Fans where they demand to replace a Director from the movie.#AkshayKumar's #HeraPheri3 already seen enough highs n lows.
Now this social media petition for replacing #FarhadShamji is shows concern of their favourite star.
Never seen this before. pic.twitter.com/BMNn6gbqqk
— Ashwani kumar (@BorntobeAshwani) March 18, 2023
شائقین کا خط میں مزید کہنا تھا کہ وہ ہیرا پھیری فرنچائز کا مزہ خراب نہ کریں اور پہلی دو فلموں کی طرح اس مرتبہ بھی ہیرا پھیری 3 کی ہدایتکاری کیلئے او جی پریہ درشن کی خدمات لی جائیں۔
شائقین کی جانب سے ٹوئٹر پر ’RemoveFarhadShamsi‘ ٹرینڈ چلایا جارہا ہے جس میں اکشے کمار سمیت سنیل شیٹی اور پریش راول کو بھی ٹیگ کرتے ہوئے ان سے ہدایتکار دتبدیل کرنے کی درخواست کی جارہی ہے۔
An open letter to @akshaykumar to change the director of #HeraPheri3.
REMOVE FARHAD FROM HERAPHERI pic.twitter.com/jx9YpKHSFu
— Akshay Kumar 24×7 (@Akkistaan) March 17, 2023
یاد رہے کہ گزشتہ دنوں فلم ہیرا پھیری 3 کا اعلان کیا گیا تھا جس میں اکشے کمار، سنیل شیٹی اور پریش راول سمیت سنجے دت اور کارتک آریان بھی اسٹار کاسٹ میں شامل ہوں گے۔
