لندن (نیوز ڈیسک )پاکستانی کھلاڑی بیرون ملک ہونے والے انگلش کاؤنٹی میں چھاگئے ہیں جبکہ محمد نے ایونٹ میں اپنی بولنگ سے تہلکہ مچادیا ہے۔

پاکستانی کرکٹر محمد عباس نے اپنی عمدہ بولنگ سے انگلش کاؤنٹی میں مخالف بلے بازوں کے چھکے چھڑا دیے ہیں۔ انہوں نے اپنی ٹیم کی نمائندگی کرتے ہوئے 6 وکٹیں حاصل کی ہیں۔

بروز ہفتہ کو محمد عباس کی ٹیم ہمپشائر کا مقابلہ سمرسٹ سے ہوا جس میں ہمپشائر نے 1 اننگ اور113 رنز کے بھاری مارجن سے سمر سٹ کو شکست دی ہے۔

اس میچ میں پاکستانی بولر محمد عباس نے عمدہ کارکردگی دکھاتے ہوئے دونوں اننگز میں مجموعی طور پر 32 اعشاریہ 2 اوورز میں 50 رنز دے کر 6 وکٹیں حاصل کی ہیں۔

انہوں نے پہلی اننگ میں 28 رنز سے کر 2 وکٹیں اور دوسری اننگ میں 22 رنز دے کر 4 وکٹیں حاصل کیں۔

میچ میں سمر سٹ کی بیٹنگ جاری تھی کہ لنچ کے بعد ہونے والا سیشن ہمپشائر کے بولر محمد عباس کے نام رہا جبکہ انہوں نے محض 3 اوورز میں 4 رنز دے کر 3 کھلاڑیوں کو آؤٹ کیا۔

واضح رہے کہ انگلش کاؤنٹی میں اس سے قبل نسیم شاہ اور شان مسعود بھی اپنی ٹیمز کی نمائندگی کرتے ہوئے عمدہ کارکردگی کا مظاہرہ کرچکے ہیں۔

The winning moment 😍@RealMAbbas226 gets his fourth of the innings and leg stumps goes FLYING ✈️

🔢 Scorecard ⤵️https://t.co/oQn8nS1HR5 pic.twitter.com/nKhjndWJ50

— Hampshire Cricket (@hantscricket) April 9, 2022