چین کے بعد سعودی عرب نے بھی 2 ارب ڈالر پاکستان کو رول اوور کردیئے ۔
تفصیلات کے مطابق 2ارب ڈالر کی رقم پاکستان نے سعودی عرب کو مقررہ مدت کے بعد واپس کی تھی جو سعودی عرب نے پاکستان کو پھر دےدی ۔مزید 30 کروڑ ڈالر چند روز میں آجائیں گے۔
قبل ازیں دوست ملک چین نے 2 ارب ڈالر کا قرضہ رول اوور کردیا ہے جو آئی ایم ایف سے معاہدے کی جانب اہم پیش رفت ہے۔
ذرائع وزارت خزانہ نے بتایا ہے کہ چین نے دو ارب ڈالر کے قرض کی ادائیگی رول اوور کر دی ہے۔ اس نے سیف ڈیپازٹس کی واپسی ایک سال کے لیے موخر کی ہے۔آئی ایم ایف سے معاہدے کیلئےایکسٹرنل فنانسنگ کی تصدیق ضروری ہے اور اس کے لیے جلد سعودی عرب اور متحدہ عرب امارات کی جانب سے بھی فنانسنگ کی بھی امید ہے۔
وزارت خزانہ کے ذرائع نے یہ بھی بتایا کہ اسی ماہ چین سے مزید 30 کروڑ ڈالر بھی پاکستان آنے ہیں جس کے بعد اسی ماہ ملکی زرمبادلہ کے ذخائر 5 ارب ڈالر سے بڑھنے کی امید ہے۔