لاہور(نیوز ڈیسک ) پی سی بی میں متوقع تبدیلیوں کے پیش نظر محمد عامر کی جانب سے انٹرنیشنل کرکٹ سے ریٹائرمنٹ کا فیصلہ واپس لیے جانے کا امکان ہے۔نجی ٹی وی کے مطابق سابق ہیڈ کوچ مصباح الحق اور بولنگ کوچ وقار یونس کے رویہ سے دلبرداشتہ ہو کر ریٹائرمنٹ کا اعلان کرنے والے پیسر نے کہا تھا کہ اس مینجمنٹ کے تحت انٹرنیشنل کرکٹ نہیں کھیلوں گا۔
دونوں سابق کپتان کوچنگ کی ذمہ داریوں سے فارغ ہوئے تو پی سی بی کے چیئرمین رمیز راجہ تھے جو محمد عامر سمیت تمام فکسرز کی قومی ٹیم میں شمولیت کی سخت مخالفت کرتے رہے ہیں،
عمران خان کی حکومت ختم ہونے کے بعد رمیز راجہ کی رخصتی بھی نوشتہ دیوار نظر آ رہی ہے۔نئی صورتحال میں محمد عامر کی طرف سے ریٹائرمنٹ کا فیصلہ واپس لیے جانے کا امکان ہے۔
