لاہور (نیوز ڈیسک) معروف سینئر اداکار نعمان اعجاز اپنی ساتھی اداکارہ عائشہ عمر کا ایک انٹرویو کرنے کے بعد سے سوشل میڈیا پر تنقید کا شکار ہیں۔حال ہی میں اداکارہ عائشہ عمر نے نعمان اعجاز کے ایک شو میں بطور مہمان شرکت کی تھی۔

اس شو میں نعمان اعجاز نے عائشہ عمر سے کچھ ایسے سوالات پوچھے جن کے جواب دیتے ہوئے عائشہ عمر تھوڑی ہچکچاتی ہوئی نظر آئیں۔نعمان اعجاز نے اداکارہ سے ان کے بولڈ فوٹو شوٹ اور ماضی کے بارے میں سوالات پوچھے جن کے جوابات دینے پر عائشہ عمر کچھ ہچکچاتی نظر آئیں۔

نعمان اعجاز پر سوشل میڈیا صارفین کی جانب سے عائشہ عمر سے شو کے دوران ان کی ذاتی زندگی کے تلخ دور کے بارے میں اس طرح کے سوالات کرنے پر تنقید کی جارہی ہے۔