کراچی (نیوز ڈیسک) اداکار آریز احمد نے انکشاف کیا ہے کہ وہ انسٹا گرام پر سب سے زیادہ اداکارہ عائزہ خان کو فالو کرتے ہیں۔رواں سال کے آغاز میں شادی کے بندھن میں بندھنے والی جوڑی حبا بخاری اور آریز احمد نے ایک ٹی وی شو میں شرکت کی۔ اس دوران شو کی میزبان ندا یاسر نے حبا بخاری سے سوال کیا کہ وہ کونسی اداکارہ ہے جسے آپ کے شوہر آپ سے بھی زیادہ انسٹا گرام پر فالو کرتے ہیں؟

اس سوال کے جواب میں جہاں حبا بخاری شش و پنج میں مبتلا ہو گئی وہیں ندا یاسر اور آریز احمد نے ہنسنا شروع کر دیا۔حبا بخاری پہیلیوں کی طرح اداکارائوں کے نام بوجھتے عائزہ خان کے نام پر پہنچیں۔ حبا بخاری پر بھی اس شو کے دوران انکشاف ہوا کہ ان کے شوہر عائزہ خان کو ان سے بھی زیادہ فالو کرتے ہیں۔