کراچی (نیوز ڈیسک )گزشتہ رمضان میں نشر ہونے والے اپنے پہلے ہی ڈرامے سے مقبولیت حاصل کرنے والی پاکستانی اداکارہ ایمن سلیم نے اداکاری سے کنارہ کشی کے اعلان کے شوبز انڈسٹری میں واپسی کی وجہ بتا دی ۔
چلبلی خوبرو اداکارہ ایمن سلیم نے شوبز انڈسٹری میں واپسی کی وجہ بتاتے ہوئے کہاکہ انہوں نے صرف ایک پراجیکٹ پر کام کرنے کے بعد ہی انڈسٹری کو خیرباد کہہ دیا تھا۔
اداکارہ نے کہا کہ میرے اسکرین پر واپس آنے کی کئی وجوہات تھیں لیکن سب سے بڑی وجہ لوگوں کی جانب سے ملنے والا پیار ہے۔ایمن سلیم نے کہا کہ مجھے توقع نہیں تھی کہ لوگ میرے شوبز سے کنارہ کشی کرنے کے فیصلے سے ناخوش ہوں گے۔
انہوں نے مزید کہا کہ میں نے ایک ہی پراجیکٹ تو کیا تھا، اسی لئے میرا خیال تھا کہ شوبز چھوڑنے کا اعلان کروں گی تو لوگ سمجھیں گے اچھے پراجیکٹس آفر نہیں ہوئے اسی لئے علیحدگی اختیار کر لی۔
ایمن سلیم نے مداحوں کا شکریہ ادا کرتے ہوئے کہا کہ انہوں نے بہت پیار دیا، کوشش کروں گی کہ آئندہ بھی ایسا ہی کام کروں جو لوگوں کو پسند آئے
واضح رہےکہ گزشتہ سال جولائی میں اداکارہ ایمن سلیم نے اپنے شوبز سے کنارہ کشی اختیار کر نے کا اعلان انسٹاگرام پر ایک اسٹوری کے ذریعے کیا تھا۔
انہوں نے مداحوں سے محبت کا اظہار کرتے ہوئے کہا تھا کہ وہ مستقبل کے فیصلے سے بھی آگاہ کریں گی۔
انہوں نے اپنے پہلے ہی ڈرامے میں بے حد مقبولیت کے بعد اچانک اداکاری سے کنارہ کشی کے فیصلے کی اس وقت کوئی وجہ نہیں بتائی تھی۔
یاد رہے کہ پاکستان کے سابق کرکٹر سلیم یوسف کی صاحبزادی اور رشتے میں پاکستان کی سابق پاپ گلوکارہ نازیہ حسن کی بھانجی، ایمن سلیم نے گزشتہ برس رمضان کے ایک اسپیشل ڈرامے سے اداکاری کے میدان میں قدم رکھا تھا۔
