ممبئی (نیوز ڈیسک )بالی ووڈ کی سب سے زیادہ زیر بحث رہنے والی رنبیر کپور اور عالیہ بھٹ کی مقبول جوڑی گزشتہ روز شادی کے بندھن میں منسلک ہو گئی۔
شادی ہوجانے کے بعد ہر ایک کے ذہن میں یہی سوال گردش کر رہا ہےکہ عالیہ اور رنبیر کی شادی کا استقبالیہ کب اور کہاں ہوگا؟
بھارتی میڈیا سے گفتگو کرتے ہوئے رنبیر کپور کی والدہ نیتو کپور نے اس حوالے سے گزشتہ رات ہی تصدیق کر دی دونوں کے لیے کوئی استقبالیہ نہیں دیا جائے گا۔
رنبیر کی والدہ نے میڈیا سے گفتگو کے دوران بیٹے اور بہو کے لیے خوشیوں کی درخواست کی اور کہا سب کچھ ہوگیا، اب شادی ختم ہونے کے بعد ہر کوئی سو سکتا ہے۔
عالیہ اور رنبیر کی شادی روایتی پنجابی انداز میں ہوئی جہاں انہوں نے اپنے اہل خانہ اور قریبی دوست احباب کے سامنے پھیرے لیے۔
عالیہ بھٹ نے اپنے آفیشل انسٹاگرام اکاؤنٹ پر شادی کی خوبصورت تصاویر گزشتہ رات ہی دنیا بھر میں موجود اپنے مداحوں کےلئے شئیر کر دی۔
عالیہ اور رنبیر کپور کی شادی کی تھیم گولڈ اور وائٹ رکھی گئی تھی اور تقریباً تمام مہمانوں نے ان ہی رنگوں کے ملبوسات زیب تن کیے۔
دلہا اور دُلہن یعنی عالیہ اور رنبیر نے بھی سفید اور سنہرے رنگ کے عروسی لباس کا انتخاب کیا۔
رنبیر اور عالیہ کی شادی کے یہ خوبصورت لباس بھارتی معروف ڈیزائنر سبیاساچی کی جانب سے تیار کئے گئے ہیں۔
