کراچی (نیوز ڈیسک)پاکستان شوبز انڈسٹری کی خوبرو نامور اداکارہ ہانیہ عامر کا چہرہ زخمی حالت میں منظرعام پر آگیا ، جسے دیکھ کر مداح غمزدہ ہو گئے ہیں۔
سماجی رابطوں کی مختلف ویب سائٹس پر بھی ہانیہ عامر کے زخمی چہرے کی یہ تصاویر کافی وائرل ہو گئی ہیں اور ہر کوئی اس کی حقیقت جاننا چاہتا ہے۔
اداکارہ کی جانب سے انسٹاگرام پر شئیر کردہ ان تصاویر میں باآسانی دیکھا جا سکتا ہے کہ ہانیہ عامرکی گردن ، ہونٹ اور گال شدید زخمی ہیں ،جس پر سوجن بھی نمایاں ہے۔
بتایاجارہاہے کہ یہ تصاویر ہانیہ عامر کے ڈرامے کی شوٹنگ کے دوران بنائی گئی تھیں۔
اس ڈرامے میں ہانیہ عامر کو اپنے کردار کی مناسبت سے شدید تشدد زدہ چہرے کےساتھ اسکرین پر آنا تھا جس کیلئے انہیں مصنوعی طریقے سے میک اپ کرکے زخمی انداز میں دکھایاگیا۔
