نئی دہلی (مانیٹرنگ ڈیسک )مشہور ساؤتھ انڈین فلم کے جی ایف کے پارٹ ٹو نے کمائی کے تمام ریکارڈ توڑ دیئے۔بھارتی میڈیا کے مطابق ساؤتھ انڈین فلم انڈسٹری کی فلم کے جی ایف چیپٹر 2 نے کمائی کے تمام ریکارڈز توڑ ڈالے ۔بھارتی میڈیا کے مطابق ریلیز کے پہلے دن ہی فلم نے 140 کروڑ بھارتی روپے کی ریکارڈ کمائی کرلی۔بھارتی میڈیا کا دعویٰ ہے کہ ساؤتھ انڈین فلم انڈسٹری کی فلم کے جی ایف چیپٹر 2 نے ریلیز کے پہلے ہی روز ریکارڈ کمائی کر کے تمام بھارتی فلموں کو پیچھے چھوڑ دیا جبکہ شائقین کی جانب سے فلم کو بےحد پسند کیا جا رہا ہے۔پہلے دن فلم نے باکس آفس پر 140 کروڑ بھارتی روپے کا بزنس کیا، اس سے قبل یہ ریکارڈ گزشتہ ماہ ریلیز ہونے والی تیلگو فلم آر آر آر کے پاس تھا جس نے ریلیز کے پہلے روز 134 کروڑ روپے کا بزنس کیا تھا۔یاد رہے کہ فلم میں بالی ووڈ کے مشہور اداکار سنجے دت اور روینہ ٹنڈن اہم کردار ادا کر رہے ہیں جبکہ مرکزی کردار ساؤتھ انڈین سینما کے اداکار یش ادا کر رہے ہیں جبکہ فلم کے مصنف اور ہدایت کار پرشانت نیل ہیں۔
ساؤتھ انڈین فلم نے کمائی کے تمام ریکارڈز توڑ دیئے








