لاہور(نیوز ڈیسک )پاکستان کرکٹ ٹیم کے قومی کھلاڑی نے بلقیس ایدھی کو خراج عقیدت پیش کیا ہے۔
سماجی رابطے کی ویب سائٹ ٹوئٹر پر سابق کپتان آل راؤنڈر شاہد آفریدی نے کہا کہ بلقیس ایدھی بہت سارے یتیموں کی ماں، بہت سے غم زدہ دلوں کی بہن انسانیت کا مہربان چہرہ تھیں۔
https://twitter.com/SAfridiOfficial/status/1514979525230305280?
شاہد آفریدی نے اپنے ٹوئٹ میں لکھا کہ بلقیس ایدھی نے ہمیشہ عبدالستار ایدھی کے ساتھ کندھے سے کندھا ملا کر ان کی فلاحی کاوشوں میں حصہ لیا اور ان کے بعد بھی ان کا مشن جاری رکھا۔
شاہد آفریدی نے انکے لیے دُعا کرتے ہوئے مزید کہا کہ اللہ ان کو جنت میں اعلیٰ مقام عطا فرمائے۔
اس کے علاوہ قومی کرکٹ ٹیم کے کپتان بابر اعظم نے اپنے ٹوئٹ میں کہا کہ ہم نے ہزاروں لوگوں کی ماں اور ایک رول ماڈل کھو دیا ہے۔
We have lost an amazing soul, a mother to thousands and a proper role model. May her unmatched legacy lives on and the hope to thousands remain as in her lifetime. Salute and respect. 🙏
إنا لله وإنا اليه راجعون#BilquisEdhi pic.twitter.com/IzyP5bg8Pj— Babar Azam (@babarazam258) April 15, 2022
بابر اعظم نے کہا کہ بلقیس ایدھی کی بے مثال میراث زندہ رہے گی۔
دوسری جانب اپنے ٹوئٹر پیغام میں شاداب خان نے بلقیس ایدھی اور عبدالستار ایدھی کی ایک یادگار تصویر شیئر کی، اور کہا کہ بلقیس ایدھی صاحبہ ہم آپ کو سلیوٹ کرتے ہیں۔
We salute you Bilquis Edhi saheba. Your services to humanity will forever be remembered. May Allah grant you the highest rank in heaven and may your family get sabr. pic.twitter.com/gpAtC7WD0L
— Shadab Khan (@76Shadabkhan) April 15, 2022
شاداب خان نے اپنے ٹوئٹ میں لکھا کہ انسانیت کے لیے آپ کی خدمات ہمیشہ یاد رکھی جائیں گی۔
انہوں نے کہا کہ اللّٰہ بلقیس ایدھی کو جنت میں اعلیٰ مقام عطا فرمائے اور آپ کے گھر والوں کو صبر جمیل عطا فرمائے۔
یاد رہے کہ پاکستان کے نامور فلاحی ادارے ایدھی فاؤنڈیشن کی شریک سربراہ بلقیس ایدھی 74 سال کی عمر میں کراچی کے نجی اسپتال میں دوران علاج چل بسیں، جہاں وہ ایک ماہ سے زیر علاج تھیں۔
ترجمان ایدھی فاؤنڈیشن کے مطابق بلقیس ایدھی عارضہ قلب سمیت دیگر امراض میں مبتلا تھیں۔
رمضان سے 2 دن پہلے انہیں دل کا دورہ بھی پڑا تھا، اس کے بعد سے وہ اسٹیڈیم روڈ پر واقع نجی اسپتال میں زیر علاج تھیں۔
