اسلام آباد(مانیٹرنگ ڈیسک) سابق کپتان شاہد آفریدی نے موجودہ سیاسی  صورتحال میں مداحوں کے لیے پیغام جاری کیاہے۔

اسٹار آل راؤنڈر شاہد آفریدی نے ٹوئٹر پر اپنے خیالات کا اظہار کیا۔

https://twitter.com/SAfridiOfficial/status/1515777973122740231?s=20&t=uu3GIeSCLLUOhE_1TXrEtw

شاہد آفریدی نے لکھا کہ ریاست، سیاست و حکومت سے بہت اوپر ہوتی ہے جہاں بات ریاست پر آئے، وہاں ہر سیاسی وابستگی سے بالاتر ہو کر اپنی ریاست اور اس کے دفاع پر مامور اداروں کے ساتھ کھڑا ہونا چاہیے۔

انہوں نے کہا کہ یہ بھی آپ کے اپنے ہیں، ایل او سی سے کوسٹ لائنز تک ہر سپاہی، ہر محافظ قابل احترام ہے۔

شاہد آفریدی نے اپنی ٹوئٹ میں زور دیتے ہوئے مزید واضح کیا ’ہماری افواج ہیں تو ہم ہیں‘۔

خیال رہے کہ گزشتہ روز آرمی چیف جنرل قمر جاوید باجوہ  نے فوجی افسران سے گفتگو میں کہا تھا کہ فوج اورعوام کے درمیان پھوٹ پیدا کرنے کی کسی کوشش کو برداشت نہیں کیاجائےگا۔

 آرمی چیف کا کہنا تھاکہ غلط معلومات اور پروپیگنڈے سے ریاستی سالمیت کو خطرہ لاحق ہوتا ہے۔