اسلام آباد(ممتازنیوز)پاکستان مسلم لیگ(ن) کے راہنما سابق وزیر مملکت داخلہ طلال چوہدری نے مراد سعید کے بیان پر ردعمل دیتے ہوئے کہاہے کہ مراد سعید صاحب دہشت گردوں کی طرح غاروں سے چُھپ کر نہیں سیاست دانوں کی طرح سامنے آ کر بات کریں ۔مراد سعید صاحب لیڈر اکیلا رہ گیا ہے آپ کو آوازیں دے رہا ہے ۔مراد سعید صاحب بڑھکیں نہ ماریں اپنے لیڈر کے ساتھ کندھے سے کندھا ملا کر کھڑے ہونے کی جرات کریں ۔انہوں نے کہا کہ ہم آپ کو دہشت گرد نہیں کہہ رہے عوام کہہ رہی ہے آپ کی حرکتوں کی وجہ سے، روپوش راہنما صاحب، اپنے لیڈر کی طرح چارپائی کے نیچے نہ چھپیں، دلیری دکھائیں، سامنے تو آئیں ۔بیان بازی کے بجائے راہنمائی کے لئے سامنے تو ائیں؟ دہشت گردی کے خلاف تھے تو خود دہشت گرد کیوں بن گئے؟ خیبرپختونخوا میں دہشت گردوں کو واپس لاکر کیوں آباد کیا؟ جیلوں سے کیوں رہا کیا؟ دہشت گردوں کی طرح ریاست پر حملہ کرو گے تو دہشت گردوں کی طرح روپوش تو ہونا پڑے گا پی ڈی ایم کا کوئی لیڈر تو دور کارکن بھی آپ کی طرح روپوش نہیں ہوا، مشکل ترین حالات کا میدان میں رہ کر مقابلہ کیا آپ نے سیاسی جدوجہد کے بجائے توڑ پھوڑ، فوج، اداروں اور قوم میں دراڑ پیدا کرنے کی منظم سازش کی ؟