پاکستان تحریک انصاف (پی ٹی آئی) کے سابق رہنما فواد چودھری اور مسلم لیگ (ق) کے چیف آرگنائزر چودھری سرور کے درمیان ملاقات ہوئی ہے۔ملاقات کے دوران سیاسی امور پر گفتگو ہوئی۔
نجی ٹی وی کے مطابق فواد چودھری کا مسلم لیگ ق میں شامل ہونے کا امکان ہے۔
اس سے قبل فواد چودھری نے جہانگیر ترین سے بھی ٹیلی فونک رابطہ کیا تھا اور ان سے سیاسی لائحہ عمل پر تبادلہ خیال کیا تھا۔
اس حوالے سے فواد چودھری نے اپنی ٹوئٹ میں کہا تھا کہ میں پہلے ہی کہہ چکا ہوں سیاست سے وقفہ لے رہا ہوں، فی الحال سیاست کرنے کا کوئی ارادہ نہیں ہے۔
فواد چودھری نے اپنے ٹوئٹر اکاؤنٹ سے چیئرمین پی ٹی آئی عمران خان کی تصویر بھی ہٹادی ہے۔
فواد چودھری کی جانب سے اپنا ٹوئٹر کوور بھی تبدیل کردیا گیا ہے۔
انہوں نے امریکی مصنف کے ایک قول ’استقامت اپنا انجن بننے دیں اور امید کو اپنا ایندھن بنائیں‘ کی تصویر اپنے ٹوئٹر کوور میں لگائی ہے۔

واضح رہے فواد چودھری ماضی میں مسلم لیگ ق کا حصہ بھی رہ چکے ہیں ۔