اسلام آباد(ما نیٹرنگ ڈیسک)وزیراعظم کے معاون خصوصی عطا تارڑ نے کہاہے کہ کسی خاتون کےساتھ کسی جیل میں بدتمیزی کا تصور بھی نہیں،خواتین محفوظ ہیں جیل مینوئل کے مطابق جو سہولیات ہیں دی جارہی ہیں۔
اسلام آباد میں پریس کانفرنس کرتے ہوئے عطا تارڑ نے کہاکہ9 مئی کو منصوبہ بندی کے تحت شرپسندی کی گئی ،9 مئی کے واقعات قوم کے اتحاد پر حملہ تھا، جھوٹ پر مبنی منظم مہم چلائی گئی، سوشل میڈیا پر شہدا سے متعلق جھوٹا پروپیگنڈا کیا جا رہاہے،پارا چنار میں جنازے کی ویڈیو کو 9 مئی واقعات سے لنک کیاگیا،ہر وہ کام کیا جارہا ہے جو جرائم پیشہ اور ملک دشمن کرتے ہیں،فوجی تنصیبات پر دھاوا بولنے والوں نے ملکی سالمیت پرحملہ کیا۔
اوپن مارکیٹ میں ڈالر کے بعد پاؤنڈ، ریال اور یورو کی قیمت میں کتنی کمی ہوئی ہے ؟ جانئے
وزیراعظم کے معاون خصوصی نے کہاکہ قوم کا 190 ملین پاؤنڈ قومی خزانے میں نہیں جمع کروایا گیا،9 مئی کے واقعات پر شہید قرار دے کر فوٹیج چلوا کر پروپیگنڈا کیاگیا،ایک واقعہ ہوا ہی نہیں اس کو اصل بنا کرپیش کیاگیا،جھوٹی تصاویر اور ویڈیوز کو 9 مئی سے لنک کیا جارہا ہے۔
ان کاکہناتھا کہ کسی خاتون کے ساتھ کسی جیل میں بدتمیزی کا تصور بھی نہیں،بیرونی ملک سے مدداور عالمی میڈیا کی توجہ کیلئے جھوٹی مہم چلائی گئی،خواتین محفوظ ہیں جیل مینوئل کے مطابق جو سہولیات ہیں دی جارہی ہیں،خدیجہ شاہ اربوں روپے کماتی ہیں ان کا ایک ایک جوڑا35 لاکھ کا ہوتا ہے،ان کو جیل میں گرمی لگتی ہے جیل میں قیدیوں سے بدبو آتی ہے، یہ کسی رعایت کے مستحق نہیں آہنی ہاتھوں سے ان سے نمٹیں گے،عطا اللہ تارڑ کاکہناتھا کہ اگران لوگوں کو سزا نہ دی گئی تو جیلوں کے دروازے کھول دیئے جائیں،عجیب روایت ہے آپ ظلم بھی کریں اور مظلوم بھی بنیں،ان کاکہناتھا کہ عدلیہ پارٹی بننے سے گریز کرے۔