ممبئی(نیوز ڈیسک)بھارت میں کئی بہترین فلموں کے ہدایتکار راج کمار ہیرانی اور اداکار شاہ رخ خان پہلی مرتبہ ایک فلم لے کر آ رہے ہیں جس کا نام ’ڈنکی‘ ہوگا۔
ہدایتکار راج کمار ہیرانی کی مقبول فلموں میں سنجے دت کی منا بھائی ایم بی بی ایس، عامر خان کی تھری ایڈیٹس اور پی کے وغیرہ شامل ہیں، جو بھارت کے علاوہ پاکستان میں بھی کافی مقبول ہوئی تھیں۔
شاہ رخ خان نے اپنی ٹویٹ میں راج کمار ہیرانی کو ٹیگ کرکے لکھا کہ ’’سر آپ تو میرے سانتا کلاس نکلے، آپ شروع تو کرو میں ٹائم پہ پہنچ جاؤں گا بلکہ میں تو سیٹ پر ہی رہنے لگوں گا‘‘۔
شاہ رخ نے مزید لکھا کہ ’’میں آپ کے ساتھ کام کرنے کے لیے کافی پرجوش ہوں‘‘۔
ٹویٹ میں بھارتی اداکار کی جانب سے فلم کے حوالے سے ایک ویڈیو لنک بھی دیا گیا ہے جبکہ مداحوں کو بتایا گیا ہے کہ فلم 22 دسمبر 2023 کو سینما گھروں کی زینت بنے گی۔
Dear @RajkumarHirani sir, Aap toh Mere Santa Claus nikle. Aap shuru karo main time pe pahunch jaunga. actually main toh set par hi rehne lagunga. Feeling humbled & excited to finally work with you.Bringing to you all #Dunki in cinemas on 22nd December 2023https://t.co/KIqj8LfJEg
— Shah Rukh Khan (@iamsrk) April 19, 2022
