نئی دہلی (نیوز ڈیسک )بھارت کے مایہ نا زمڈل آرڈر بلے باز ویرات کوہلی کے بغیر سنچری کے میچز کی سنچری مکمل ہوگئی۔
تفصیلات کے مطابق ویرات کوہلی جن کے بارے میں کرکٹ ماہرین اور شائقین کا یہ خیال تھا کہ وہ سچن ٹنڈولکر کے تمام ریکارڈز توڑ ڈالیں گے ابھی اپنے کیریئر کے بد ترین دور سے گزر رہے ہیں۔
ویرات کوہلی نے کیریئر کی ابتداء میں شاندار کارکردگی سے اپنا لوہا منوایا اور بعض کرکٹ ماہرین نے انہیں عہد حاضر کا بہترین بلے باز قرار دیا۔
تاہم 2019 کے بعد سے ویرات کوہلی کی کارکردگی میں تسلسل برقرارنہ رہ سکا۔
گزشتہ روز آئی پی ایل میچ میں وہ گولڈن ڈک پر آؤٹ ہوگئے اس طرح مجموعی طور 100 میچز گزر جانے کے باوجود وہ کوئی سنچری اسکور نہیں کرسکے ہیں۔
واضح رہے کہ ویرات کوہلی نے آخری سنچری نومبر 2019 میں بنگلادیش کے خلاف بنائی تھی، اس کے بعد سے 100 میچز میں کوئی سنچری اسکور نہیں کرسکے ہیں۔
17 + 21 + 25 + 37 = 𝟏𝟎𝟎 𝐜𝐨𝐦𝐩𝐞𝐭𝐢𝐭𝐢𝐯𝐞 𝐠𝐚𝐦𝐞𝐬
It's been a century of century-less matches for Virat Kohli! 😱#RCB #ViratKohli #IPL2022 #LSGvRCB pic.twitter.com/W5aZ1O6g8o
— CricWick (@CricWick) April 19, 2022
