ماسکو(نیوز ڈیسک)سابق  روسی ٹینس اسٹار ماریا شراپوا کے ہاں جلد ننھے مہمان کی آمد متوق ہوا ہے۔

سابق روسی ٹینس اسٹار ماریہ شراپووا نے گزشتہ روز اپنی 35ویں سالگرہ کے موقع پر مداحوں  کو خوشخبری سنائی ہے کہ ان کے ہاں جلد پہلے بچے کی پیدائش متوقع  ہے۔

ماریا شراپوا نے فوٹو اینڈ ویڈیو شیئرنگ ایپ انسٹاگرام پر اپنی تصویر پوسٹ کرتے ہوئے لکھا کہ’یہ قیمتی شروعات ہے‘۔

پانچ گرینڈ سلیم جیتنے والی ماریا شراپوا نے فروری 2020 میں ٹینس سے ریٹائرمنٹ لے لی تھی اور اسی سال دسمبر میں برطانوی کروڑ پتی الیگزینڈر گلکس سے منگنی کی تھی۔

رپورٹس کے مطابق گلکس کے بارے میں یہ مشہور ہے کہ برطانوی  شہزادے  ولیم  اور ہیری کے اسکول کے دوست ہیں۔ وہ شہزادہ ولیم اور کیٹ مڈلٹن کی شادی میں بھی بطور مہمان  بھی شریک تھے۔

سابق ٹینس اسٹار کی پوسٹ پر مداحوں جانب سے انہیں دوہری خوشی کے موقع پر مبارکبادیں موصول ہونے کا سلسلہ بھی شروع ہوگیا ہے۔