سیئول(ممتازنیوز) جنوبی کوریا میں مہنگائی اورکسادبازاری کے دورمیں لگائی جانے والے گولڈ ای ٹی ایم کے چرچے ہیں۔اور گزشتہ نو ماہ کے دوران ان مشینوں سے دو کروڑڈالرکا سونا خریدا گیا ۔
غیر ملکی میڈیا رپورٹس کے مطابق ہزاروں سٹور کی مالک جنوبی کوریا کی مشہور کمپنی جی ایس ریٹیل نے یہ اے ٹی ایم مشینیں لگائی ہیں ،جس کے مطابق مشین میں رقم یا کریڈٹ کارڈ ڈال کر 0.13 اونس سے لے کر 1.3 اونس تک پانچ مختلف وزن کی سونے کی ٹکیہ اور سکے حاصل کرسکتے ہیں۔ ان میں سے چھوٹی مقدار کا سونے کا سکہ سب سے زیادہ فروخت ہورہا ہے جس کی قیمت 225 ڈالر ہے۔
دوسری جانب مہنگائی اور کسادبازاری کے خوف سے کوریائی عوام دھڑادھڑ سونا خرید رہی ہے۔ اسی ضرورت کے تحت اب ایسی کئی گولڈ ای ٹی ایم لگائی گئی ہیں۔ نوجوان لڑکے اور لڑکیاں اس کی خریداری میں غیرمعمولی دلچسپی لے رہی ہیں۔جن کا کہنا ہے کہ یہ ایک طرح کی سرمایہ کاری اور بچت کا طریقہ ہے۔

خیال رہےکہ دنیا بھر کی طرح کوریا میں بھی سونے کی قیمت تیزی سے بڑھ رہی ہے۔