اسلام آباد(مانیٹرنگ ڈیسک)معروف ویڈیو ایپلی کیشن ٹک ٹاک نے پاکستان میں 6 5 لاکھ ٹک ٹاک ویڈیوز حذف کردیں۔
میڈیا رپورٹس کے مطابق کمیونٹی گائیڈ لائنز انفورسمنٹ کی رپورٹ کے مطابق پاکستان دنیا کا تیسرا بڑا ملک ہے جہاں یکم اکتوبر 2021 سے 30 دسمبر2021 تک اتنی بڑی تعداد میں ٹک ٹاک ویڈیوز کو حذف کیا گیا۔رپورٹ کے مطابق ٹک ٹاک نے کمیونٹی گائیڈ لائنز کی خلاف ورزی پر پاکستان میں 65 لاکھ 63 ہزار سے زائد ویڈیوز کو حذف کیا جب کہ عالمی سطح پر 8 کروڑ 97 لاکھ 94 ہزار سے زائد ویڈیوز کو ہٹایا گیا ہے۔
حذف کی جانے والی ویڈیو میں ہراساں کرنے ، دھونس دھمکی ، نفرت انگیز رویے ، پر تشدد اور انتہا پسندی پر مبنی ویڈیو شامل تھیں۔ رپورٹ کے مطابق 94.1 فیصد ویڈیوز پوسٹ کیے جانے کے محض 24 گھنٹوں کے اندر کمیونٹی گائیڈ لائنز کی خلاف ورزی کے باعث حذف کی گئیں جبکہ 95.2 فیصد ویڈیوز کسی استعمال کرنے والے کی جانب سے رپورٹ کیے جانے سے قبل اور 90.1 فیصد ویڈیوز کسی بھی شخص کے دیکھنے سے قبل حذف کی گئیں۔
