پاکستان شوبز انڈسٹری کی مایہ ناز اداکارہ نازش جہانگیر نے عالمگیر ترین کی خودکشی کے بعد خاموشی توڑ دی۔
ملتان سلطانز کے مالک عالمگیر ترین کی ناقابلِ یقین موت سے جہاں پوری قوم صدمے اور غم میں ڈوب گئی، وہیں اداکارہ نازش جہانگیر نے بھی ذہنی صحت سے متعلق آواز اُٹھا دی۔
پاکستان کرکٹ کی ممتاز شخصیت کی المناک موت پر اداکارہ نے دکھ کا اظہار کرتے ہوئے ذہنی صحت سے متعلق آگاہی پر زور دیا۔
فوٹو اینڈ ویڈیو شیئرنگ ایپ انسٹاگرام پر شیئر کیے گئے ایک دلی پیغام میں نازش جہانگیر نے سوگوار خاندان سے تعزیت کا اظہار کیا اور اپنے پیروکاروں پر زور دیا کہ وہ اپنی ذہنی صحت کے ساتھ ساتھ اپنے پیاروں کی صحت پر بھی توجہ دیں۔
انہوں نے لکھا کہ ’ہمیشہ میری ذہنی صحت کے بارے میں آواز اٹھانے کی وجہ یہ ہے کہ آپ کو اپنی ذہنی صحت کا خیال رکھنے کی ضرورت ہے۔ خدارا اس پر بات کریں۔ خودکشی حل نہیں ہے۔
خیال رہے کہ استحکام پاکستان پارٹی کے بانی جہانگیر ترین کے بھائی اور پی ایس ایل کی فرنچائز ملتان سلطانز کے مالک عالمگیر ترین نے خودکشی کر کے اپنی زندگی کا خاتمہ کرلیا۔ذرائع کے مطابق عالمگیر ترین نے پستول سے اپنے سر میں گولی ماری تھی۔
