ریاض: سوشل میڈیا پر سعودی صارفین بنگلہ دیشی کارکن کی ہمت کی داد دے رہے ہیں اور اس کے بروقت مناسب اقدام پر تعریف کر رہے ہیں۔
العربیہ نیٹ اور المرصد کے مطابق مقامی شہری اپنی فیملی کو لے کر گاڑی سے سفر کررہا تھا اچانک گاڑی کے انجن میں آگ بھڑک اٹھی۔
اس وقت موقع پر موجود ایک بنگلہ دیشی کارکن تیزی سے آگ بجھانے والا سیلنڈر لے کر پہنچا اور اس نے سیلنڈر کی مدد سے گاڑی میں لگنے والی آگ بجھا دی۔
بنگلہ دیشی کارکن نے سعو دی میڈیا سے گفتگو میں کہا کہ وہ حادثے کے وقت دکان پر کام کررہا تھا دکان میں لگے کیمرے میں اس کی نظر گاڑی پر پڑی جس سے شعلے نکل رہے تھے۔ فوری طور پر اس نے آگ بجھانے والا سیلنڈر دکان سے لیا اور مدد کے لیے پہنچ گیا۔ گاڑی کے انجن میں لگنے والی آگ بجھانے میں کامیاب رہا۔