نیویارک (نیوز ڈیسک) عروج آفتاب کے بعد اب ایک اور پاکستانی گلوکارہ مہک علی کی تصویر نیویارک میںٹائمز اسکوائر پر آویزاں کردی گئی ہے۔ گریمی ایوارڈ جیتنے والی عروج آفتاب کے بعد اس مہینے پاکستانی گلوکارہ مہک علی کی تصویر کو ٹائمز اسکوائر بل بورڈ پر آڈیو اسٹریمنگ سروس اسپاٹی فائے کیایکوئل پاکستان کے لیے ایمبیسیڈر کے طور پرآویزاں کیا گیا ہے۔

دنیا کی سب سے مشہور اسٹریمنگ سروس کی اس مہم کا مقصد خواتین کرئیٹرز کو دنیا کے ساتھ اپنا کام شیئر کرنے کے لیے ایک پلیٹ فارم دے کر ان کی حوصلہ افزائی کرنا ہے۔اس حوالے سے مہک علی نے مائیکرو بلاگنگ ویب سائٹ ٹوئٹر پر اسٹریمنگ سروس اور اپنے مداحوں کا شکریہ بھی ادا کیا ہے۔انہوں نے اپنے ٹوئٹ میں دو تصویریں شیئر کی ہیں،

جن میں سے ایک گلوکارہ کی پرانی تصویر ہے جس میں وہ ٹائمز اسکوائر پر کھڑی کیمرے کے لیے پوز دیتی نظر آرہی ہیں جبکہ دوسری تصویر میں ان کی ٹائمز اسکوائر بل بورڈ پر آویزاں کی گئی تصویر دیکھی جاسکتی ہے۔