مری (ممتازرپورٹ) ہر سال کی طرح اس سال بھی پناہ نے دل اور اس سے متعلقہ کی بیماریوں سے بچاؤ کی آگائی کے لیے مری میں 16 جولائی, 2023 بروز اتوار اپنی اکتیسویں سالانہ آگائی واک کا انعقاد کیا۔ واک کی قیادت پناہ کے صدر میجر جنرل (ر) مسعود الرحمن کیانی نے کی ۔ مہمانوں میں پناہ کے ایگزیکٹو سینئر وائس پریذیڈنٹ ڈاکٹر عبدالقیوم اعوان، سابق ممبر صوبائی اسمبلی تحسین فواد، وائس پریذیڈنٹ پناہ کرنل رفیع، سابق کمشنر عبدلحفیظ کے علاوہ پناہ کے ممبران، صحافیوں اور عوام کی کثیر تعداد نے واک میں شرکت کی۔ تقریب کی میزبانی پناہ کے جنرل سیکریٹری ثناہ اللہ گھمن نے کی۔
پناہ کے ممبران کثیر تعداد میں مری پہنچے۔ پولیس بینڈ GPO چوک میں خوبصورت دُھنیں بکھیر رہا تھا۔ سکول کے بچوں نے پلے کارڈز اُٹھا رکھے تھے جن پر صحت سے متعلقہ پیغامات لکھے تھے۔ خوبصورت بینرز پر پناہ کے پیغام ہر طرف لہلہا رہے تھے۔ مقامی اورملک بھر سے آئے ہوئے سیاحوں کی کثیر تعدادنے اس واک میں شرکت کی۔ بینڈ کی دھنوں میں لوگوں کا جوش اور جذبہ دیدنی تھا۔ واک GPOسے کنعان چوک اور وہاں سے واپس GPO چوک تک ہوئی۔تمام شرکاء کو صحت کی آگاہی سے متعلقہ بروشرز دیئے گئے۔ میجر جنرل مسعود الرحمن کیانی، ڈاکٹر عبد القیوم اعوان، کرنل اعجاز احمد رفیع ا ور ثناء اللہ گھمن نے اپنے اپنے خطاب میں کہا کہ پناہ عوام الناس میں دل کی بیماریوں کے بارے میں شعور اُجاگر کرنے کے لئے مختلف اداروں، یونیورسٹیوں اور کالجز میں سیمینارز اور فری سی پی آرٹرینگز منعقد کرتا ہے۔ اس کے ساتھ ساتھ پناہ قانون ساز اداروں کے ساتھ مل کر ایسے قوانین بنوانے کے لیے بھی کام کر رہا ہے جس سے دل اور اس سے متعلقہ بیماریوں میں کمی آ سکے۔ پناہ ہر سال مری میں ایک واک کا انعقاد کرتا ہے کیونکہ مری میں گرمیوں میں پورے پاکستان سے لوگ آتے ہیں تو اس طرح پناہ کا پیغام پورے پاکستان میں جاتا ہے۔ مری کی تاجر برادری، انتظامیہ اور عام لوگوں نے بھر پور شرکت کر کے واک کی رونق کو دوبالا کیا۔ واک میں الیکٹرانک اور پرنٹ میڈیا کے نمائندے موجود تھے جو اپنے اپنے چینلز کے لیے واک کی کوریج کر رہے تھے۔ واک کے آخر میں بچوں، خواتین اور دیگر شرکاء کو قرعہ اندازی کے زریعے انعامات بھی دیے گئے۔ واک دن 1 بجے اختتام پذیر ہوئی۔
آخر میں ثناہ اللہ گھمن نے مری کی انتظامیہ، سول اور ٹریفک پولیس، سٹیشن ہیڈ کوارٹرز، تاجر برادری، اور پولیس بینڈکا بھر پور تعاون کرنے پر خصوصی شکریہ ادا کیا اور کہا کہ ہم اُمید کرتے ہیں کہ آئندہ بھی ہر سال اسی طرح پناہ کا پیغام دُنیا تک پہنچانے میں اُن کا تعاون جاری رہے گا۔