لبنان کے دارالحکومت طرابلس میں ایک کتے نے کچرے میں پھینکی گئی نوزائیدہ بچی کی جان بچالی۔
امریکی میڈیا کے مطابق بچی کو طرابلس کی میونسپل عمارت کے باہر کچرے میں پھینک دیا گیا تھا۔
ایک راہگیر نے دیکھا کہ کتا منہ میں کچرے کا تھیلا دبائے جا رہا ہے، اس تھیلے میں سے بچی کے رونے کی آواز آرہی تھی۔
راہگیر نے کتے کے منہ سے کچرے کا تھیلا نکالا اور کھولا تو اس میں سے نوزائیدہ بچی برآمد ہوئی۔
بچی کے جسم پر زخم تھے، اسے اسلامی خیراتی اسپتال لے جایا گیا، وہاں سے طرابلس سرکاری اسپتال منتقل کیا گیا۔
اسی دوران سکیورٹی سروسز اور عدالتی اتھارٹی کو واقعے کے متعلق بتا دیا گیا تھا۔
بچی کی عمر چند گھنٹے ہی تھی، ڈاکٹرز نے کہا کہ اس کی حالت نازک تھی لیکن اب خطرے سے باہر ہے۔
پولیس معاملے کی تفتیش کر رہی ہے اور بچی کو کچرے میں چھوڑنے والوں کی تلاش میں ہے۔