ممبئی (نیوز ڈیسک)پاکستانی اداکارہ صباقمر کا کہنا ہے کہ بھارتی معروف اداکارائیں بھی اُن کی اداکاری کی مداح ہیں۔
صبا قمر کا پاکستان شوبز انڈسٹری میں لیجنڈز فنکاروں میں شمار ہوتا ہے، اداکارہ صبا قمر کا اپنے انٹرویو میں بتانا ہے کہ سرحد پار ملک بھارت سے بھی انہیں معروف فنکاروں کی جانب سے تعریفی کالز موصول ہوتی رہتی ہیں۔
صبا قمر کا اپنے ایک انٹرویو میں بتانا ہے کہ ’جب انہوں نے بھارتی فلم ’ہندی میڈیم‘ سائن کی تھی، اُن کا اُس وقت ماننا تھا کہ یہ اُن کے کیریئر کا سب سے خراب پروجیکٹ ہونے والا ہے کیوں کہ اُن کے مدِ مقابل معروف منجھے ہوئے اداکار عرفان خان تھے۔‘
صبا قمر نے کہا ہے کہ ’انہوں نے جب بھارتی فلم ’ ہندی میڈیم‘ کر لی تو انہیں بہت پزیرائی ملی، اداکار رشی کپور اور نیتو سنگھ کی جانب سے بھی انہیں سراہا گیا تھا۔‘
انہوں نے مزید کہا کہ ’بھارتی اداکارہ نیتو سنگھ اُن کا ہر شو، ہر ڈرامہ دیکھتی ہیں جبکہ اداکارہ ودیا بالن نے اُنہیں بھارت سے خصوصی طور پر کال کر کے اُن کی اداکارانہ صلاحیتوں کی تعریف کی تھی۔‘
