طرابلس: لیبیا کے درالحکومت طرابلس میں ہونے والی جھڑپوں میں مرنے والوں کی تعداد 55 جبکہ زخمیوں کی 146 ہوگئی۔
لیبیا کے مقامی میڈیا کے مطابق مرکز برائے ایمرجنسی میڈیسن اینڈ سپورٹ کے ترجمان نے بتایا کہ طرابلس میں ہونے والی جھڑپوں میں مرنے والوں کی تعداد 55 ہو گئی ہے اور 146 افراد زخمی ہیں۔

ترجمان نے بتایا کہ مرکز نے جھڑپوں کے علاقوں میں پھنسے ہوئے 296 لوگوں کو محفوظ راستہ فراہم کیا۔

ترجمان نے وضاحت کی کہ پچھلے 24 گھنٹوں کے دوران مسلح جھڑپوں کے مشاہدہ کرنے والے علاقوں میں نقل و حرکت معمول پر آ گئی ہے اور مارکیٹس کو کھول دیا گیا ہے۔

گزشتہ 48 گھنٹوں کے دوران طرابلس میں 444 بریگیڈ اور ردا سروس کے درمیان جھڑپیں ہوئیں جن کی وجہ سے میٹیگا انٹرنیشنل ایئرپورٹ پر میجر جنرل محمود حمزہ کے کمانڈر کو حراست میں لیا گیا تھا۔

جھڑپیں دارالحکومت کے جنوب میں واقع علاقوں خاص طور پر عین زارا، صلاح الدین، طارق الشاک اور طارق السدرہ کے محلوں کے ساتھ ساتھ الخیلہ کے کچھ حصوں میں ہوئیں۔