ضلع راولپنڈی میں منکی پاکس کے پہلے مریض کا انکشاف ہوا ہے۔

ہولی فیملی ہسپتال میں زیر علاج مریض کے منکی پاکس پازٹیو ہونے کی این آئی ایچ نے تصدیق کردی۔

تحصیل گوجرخان کے علاقہ دریالہ کے 28 سالہ مبین ولد ریاست کو تیز بخار اور منکی پاکس کی علامات کے ساتھ ہولی فیملی ہسپتال لایا گیا جہاں اسے منکی پاکس کا مشتبہ مریض قرار دے کر ائسولیشن وارڈ میں منتقل کردیا گیا اور اسکے سمپلز تصدیق کے لیے این آئی ایچ بھجوائے گئے جہاں سے اسکے منکی پاکس کا شکار ہونے کی تصدیق ہوگئی۔
مریض مبین جس کی ٹریول ہسٹری عمرہ کی ادائیگی کے لیے سعودی عرب جانے کی ہے کے 10 قریبی عزیز جنکے ساتھ وہ کنٹیکٹ میں رہا کے سمپلز بھی لیے گئے مگر کسی میں منکی پاکس کا شکار ہونے کی تصدیق نہ ہوسکی۔

ہولی فیملی ہسپتال میں انفیکشس ڈیزیز شعبہ کے ان انچارج فوکل پرسن ڈاکٹر مجیب کا کہنا ہے کہ مریض کی حالت اب بہت بہتر ہے بخار اتر چکا ہے اور اسے تین چار دن میں ہسپتال سے فارغ کیا جاسکتا ہے اور مریض کے قریب ترین دس افراد کے لیے گئے۔ ٹیسٹ کے مطابق ان میں منکی پاکس کے جراثیم اور علامتیں نہیں پائی گئیں۔