کراچی (مانیٹرنگ ڈیسک )انٹر بینک میں کاروباری ہفتے کے پانچویں روز پھر ڈالر کی قیمت میں کمی ریکارڈ کی گئی۔اسٹیٹ بینک آف پاکستان کی جانب سے جاری کردہ اعداد و شمار کے مطابق انٹر بینک میں ڈالر کی قدر میں 24 پیسے کی کمی ہوئی ہے۔فاریکس ڈیلرز کے مطابق انٹر بینک میں ڈالر 185.87 سے کم ہو کر 185.63 روپے پر آ گیا ہے۔واضح رہے کہ رواں ہفتے کاروبار کے دوران ڈالر کی قیمت میں مسلسل دو روز کمی ہوئی تاہم گزشتہ روز ڈالر کی قیمت میں 42 پیسے کا اضافہ ہوا تھا۔