کراچی (نیوز ڈیسک) معروف یوٹیوبر جنید اکرم نے فلمی دنیا میں انٹری دے دی۔ معروف یوٹیوبر جنید اکرم نے شوسل میڈیا کے بعد بڑے پردے پر بھی انٹری دے دی ہے، جنید اکرم صبا قمر کی عید پر ریلیز ہونے والی فلم گھبرانا نہیں ہے میں اداکاری کے جوہر دکھاتے نظر آئیں گے۔ رپورٹ کے مطابق فلم میں جنید اکرم ایک صحافی کا کردار ادا کر رہے ہیں جسے پہلے ایماندار دکھایا گیا تاہم وہ معاشی حالات کی تنگی کے باعث غلط راستہ اختیار کرنے کی حمایت کرتا ہے۔ فلم ڈیبو کے حوالے جنید اکرم نے کہا کہ یوٹیوب ویڈیوز بنانا آسان جبکہ اداکاری بہت مشکل کام ہے لیکن گھبرانا نہیں چاہیئے۔انہوں نے بتایا کہ میرا چھوٹا سا کردار تھا لیکن مزاہ بہت آیا اور اچھا تجربہ تھا ۔واضح رہے کہ مذکورہ فلم عید کے موقع پر ریلیز کی جارہی ہے جس میں صبا قمر، سید جبران اور زاہد احمد نے مرکزی کردار ادا کیا ہے۔