فلسطین اور اسرائیل کے درمیان جاری کشیدگی اس وقت توجہ کا مرکز بنی ہوئی ہے، مسلم دنیا فلسطینیوں سے اظہارِ یکجہتی کیلئے سوشل میڈیا پر اپنی آوازیں بُلند کر رہی ہے۔
بالی ووڈ اداکارہ سونم کپور کی جانب سے اسرائیلی فوج کی فلسطین پر بمباری کی شدید مذمت نے ان کے مداحوں کو خوشگوارحیرت سے دو چارکیا ہے۔
اداکارہ نے انسٹاگرام پر اسٹوریز شیئر کرتے ہوئے فلسطینیوں سے اظہارِیکجہتی کیا۔
اداکارہ نے اپنی پہلی انسٹا اسٹوری میں لکھا کہ ’غزہ میں آدھی عوام بچوں پر مشتمل ہے۔‘
دوسری اسٹوری پر اداکارہ نے نیو یارک ٹائمز کے مضمون کا ایک اقتباس شئیر کیا تھا جو نکولس کرسٹوف کا تحریر کردہ تھا، جس میں فلسطینی بچوں کے ساتھ یکطرفہ بے حسی کی مذمت کی گئی تھی۔
سوشل میڈیا صارفین کی جانب سے اداکارہ کی اس جرت کو سراہا جارہا ہے، اداکارہ کو اسرائیل کا ساتھ نہ دینے اور نہتے فلسطینیوں کی حمایت میں اپنا مؤقف پیش کرنے پر پذیرائی مل رہی ہے۔
ایک ٹوئٹر صارف نے اداکارہ کی انسٹااسٹوریز کو ایکس پر شئیر کرتے ہوئے اداکارہ کے اس عمل کو خوب پسند کیا۔
Excellent. https://t.co/wYBgjAaz6G
— Naushad Alam (@Naushad71554228) October 15, 2023
ایک صارف نے لکھا کہ ’انہوں نے نتائج جاننے کے باوجود فلسطین کے لیے بات کی، انہوں نے ہمیشہ صحیح مسئلے کو اٹھایا ہے یا اس کی حمایت کی ہے جس پرباقی سُپر اسٹار خاموش رہے ہیں‘۔
Respect for @sonamakapoor
– she spoke for Palestine even after knowing the consequences.– She has always raised or supported the right issue on which superstars remained silent.
– she has more courage & conscience than those superstars who have only fought for their interests. https://t.co/BG8wU958Ls— زماں (@Delhiite_) October 15, 2023
ایک صارف نے لکھا کہ ’ان کا یہ عمل انہیں ایک سچا انسان بناتا ہے‘۔
This is what about her that makes her a true human being. ❤️
— Poonam Mishra (@mpoonam21) October 15, 2023
اس سے قبل سوارا بھاسکر اور شاہ رخ خان نے بھی معصوم فلسطینی بچوں کے قتل کی مذمت کی تھی۔
بالی ووڈ سُپر اسٹار شاہ رخ خان نے ایکس پرصارفین سے دعاؤں کی اپیل کرتے ہوئے لکھا کہ ’چھوٹے بچوں کے قتل سے کچھ بھی حل نہیں ہوگا، فلسطین میں امن کی دعا کریں‘۔
The killing of & killing by little children will solve nothing for the 'victims' or the 'victims of the victims.' Prayers Peace Palestine.
— Shah Rukh Khan (@iamsrk) July 13, 2014
اداکارہ سوارا بھاسکر نے بھی اسرائیلی دہشت گردوں کی جانب سے فلسطینی شہریوں پر وحشیانہ حملے کی مذمت کی اور اپنی انسٹاگرام اسٹوریز پر حماس کے تشدد سے ’صدمے‘ میں آنے والوں کی منافقت کو تنقید کا نشانہ بنایا تھا۔
فلسطین کی آزادی پسند تنظیم حماس کی جانب سے اسرائیل پر تاریخی اور غیر متوقع حملوں کے جواب میں اسرائیلی فوج غزہ پر بمباری کر رہی ہے۔
اسرائیلی فورسز کی طرف سے گھروں، خواتین اور بچوں کو بلا امتیاز نشانہ بنانے کے نتیجے میں ہلاکتوں کی تعداد میں تیزی سے اضافہ ہو رہا ہے۔
غزہ پر جاری اسرائیلی بمباری سے اب تک 2329 فلسطینی ہلاک ہو چکے ہیں، 9700 زخمی جبکہ 300,000 بے گھر ہو چکے ہیں۔
